Ókeypis mæling að Hótel Framnesi laugardaginn 27. nóvember n.k.

Þann 27. nóvember n.k., kl. 11:00 – 14:00 verður Grundfirðingum boðin ókeypis kólesterólmæling á Hótel Framnesi, Nesvegi 8 í Grundarfirði. Mælingin verður gerð með nýjum mælum, CardioChek, sem reynst hafa vel og hlotið viðurkenningu í Bandaríkjunum. Mælingarnar eru skipulagðar af Félagi hjartasjúklinga á Vesturlandi, og  HjartaHeill, Landssamtökum hjartasjúklinga í samvinnu við heilsugæsluna og lyfjafyrirtækið AstraZeneca.

Fjölmargar rannsóknir á undanförnum árum hafa sýnt fram á hve nauðsynlegt er að lækka kólesteról til að koma í veg fyrir hjarta- og æðasjúkdóma. Lækkun kólesteróls (blóðfitu) er einn mikilvægasti hlekkurinn í forvörnum á því sviði. Með hollu mataræði og hreyfingu má ná ákveðnum árangri, en oft þarf að grípa til lyfjameðferðar til að lækka kólesteról.

Þekkir þú þitt kólesteról? Ef ekki er kjörið tækifæri að líta við á Hótel Framnesi laugardaginn 27. nóvember. Fyrsta mæling hefst kl. 11:00 og munu mælingarnar standa fram til kl. 14:00. Heilbrigðisstarfsfólk annast mælingarnar og veitir upplýsingar og ráðleggingar. Þátttakendum í mælingunum verður boðið uppá fyrirlestur um mikilvægi meðferðarheldni. Að mælingum loknum mun AstraZeneca færa Heilsugæslustöð Grundarfjarðar CardioChek kólesteróli mæli að gjöf.

Submit to Facebook