Hjartamiðstöðin opnar í Holtasmára

Nýlega hóf Hjartamiðstöðin starfsemi í Holtamára 1 í Kópavogi.

 

Heimilisfangið er Holtasmári 1 Hjartamiðstöðin sinnir greiningu, eftirliti og meðferð hjartasjúkdóma og helstu áhættuþátta þeirra. Meginmarkmiðið er að veita einstaklingum sem þangað leita greiðan aðgang að fyrsta flokks sérfræðiþjónustu. Unnið er samkvæmt núgildandi samkomulagi hjartalækna og heilbrigðisráðuneytis sem gerir ráð fyrir greiðlsuþátttöku Tryggingastofnunar Ríkisins.

 

 

Hjartamiðstöðin stundar einnig vísindarannsóknir á sviði hjartasjúkdóma. Um þessar mundir stendur yfir rannsókn á gagnsemi skimunar á áhættuþáttum fyrir skyndidauða meðal íþróttamanna. Þá tekur Hjartamiðstöðin einnig þátt í alþjóðlegri rannsókn sem lýtur að lyfjameðferð háþrýstings.

Í Hjartamiðstöðinni starfa, auk hjartalækna, hjúkrunarfræðingar, sjúkraliði og sálfræðingur. Rík áhersla er lögð á forvarnir, fræðslu og gott upplýsingaflæði til sjúklinga. Framkvæmdar eru helstu rannsóknir sem notaðar eru við greiningu hjartasjúkdóma svo sem hjartalínurit, óm- og dopplerskoðun af hjarta, áreynsluhjartaritun  og hjartasírit (Holter).


Læknar Hjartmiðstöðvarinnar eru Axel F. Sigurðsson og Halldóra Björnsdóttir. Þau eru sérfræðingar í lyflækningum og hjartalækningum. Sálfræðilegri ráðgjöf sinnir Haukur Sigurðsson en hann er klínískur sálfræðingur.

Submit to Facebook