Strákarnir á Stöð 2 hafa enn ekki svarað áskorun um að hjóla með Eggerti Skúlasyni, þegar hann leggur upp í Hringveginn.
Fjöldamargir hafa haft samband við samtökin og spurst fyrir um hvort Strákarnir ætli að taka áskoruninni. Svar hefur ekki borist.
Nú eru fjórir dagar þar til Eggert leggur af stað. Hann hjólar út úr borginni ásamt Eiði Smára verndara Hjartaheilla á mánudagsmorgun klukkan 8:30 og verður lagt af stað í beinni útsendingu á Stöð 2 í þættinum Íslandi í bítið.
Fólki er bent á að í kvöld, fimmtudag heldur áfram umfjöllun á Stöð 2 í Íslandi í dag um undirbúning ferðarinnar. Á morgun föstudag mun svo Jónsi frumflytja lag sem hann hefur samið vegna ferðarinnar. Miklar þakkir eru færðar Jónsa og hans fólki sem lagt hefur mikla vinnu í gerð lagsins og upptökur á því.