Hjartaheill og Artasan í samstarf

2017-03-13 14.33.25

2017-03-13 14.33.25Hjartaheill og Artasan hafa undirritað samstarfssamning um sölu á Microlife blóðþrýstingsmælum, en Hjartaheill hefur notað Microlife blóðþrýstingsmæla við mælingar um allt land undanfarin 15 ár með mjög góðum árangri. Blóðþrýstingsmælar eru mikið notaðir af hjartasjúklingum og fjölmörgum öðrum til að fylgjast með heilsufari sínu, enda er háþrýstingur oftast einkennalaus en veldur aukinni hættu á hjarta- og æðasjúkdómum.

 

Auk þess að bæta úr þörf félagsmanna sinna fyrir að eignast slíka mæla fá Hjartaheill 500 krónur af hverjum seldum mæli til annarra starfa samtakanna. Mælana er meðal annars hægt að kaupa í apótekum um land allt og í SÍBS Verslun í Síðumúla 6 í Reykjavík.

 

Hjartaheill vænta góðs af þessu samstarfi sem getur orðið á fleiri sviðum en Artasan sérhæfir sig m.a. í sölu og markaðssetningu á fjölbreyttu úrvali af heilsuvörum, lausasölulyfjum og samheitalyfjum. Einungis er boðið upp á þekktar gæðavörur frá framleiðendum sem uppfylla ströngustu gæðakröfur.

 

Á myndinni eru: Guðrún Bergmann Franzdóttir, Kjartan Birgisson, Arnþór Jóhannsson frá Artasan, Ásgeir Þór Árnason frá Hjartaheillum og Sveinn Guðmundsson formaður Hjartaheilla.

Skildu eftir svar

Netfang þitt verður ekki birt. Nauðsynlegir reitir eru merktir *