Alþjóðlegi hjartadagurinn er haldinn hátíðlegur 29. september ár hvert en það er Alþjóðahjartasambandið (World Heart Federation) sem hvetur aðildarfélög sín um allan heim til að halda upp á Hjartadaginn. Á Íslandi sameinast Hjartavernd, Hjartaheill, Neistinn, Heilaheill og Fagdeild hjartahjúkrunarfræðinga um að halda upp á daginn.
Hjartadagshlaupið fór fram kl. 10:00 á Kópavogsvelli laugardaginn 29. september s.l. – hlaupnir voru 5 og 10 km að venju. Skráðir voru 527 hlauparar en 371 komu í mark.
Klukkan 11:00 var hjartagangan haldin. Lagt var af stað frá gömlu rafstöðinni í Elliðaárdal og gengið um Elliðaárdalinn undir forystu Hjartaheilla. Veðrið lék við göngufólk á meðan ganga stóð yfir. Um 50 manns mættu í gönguna. Heilbrigður lífsstíll er mikilvægasta forvörn gegn hjarta- og æðasjúkdómum. Í ár var lögð áhersla á að fólk hugsi um sitt eigið hjarta og ástvina sinna, „hjartað mitt og hjartað þitt“.
