Ásgeir Þór hættir sem framkvæmdastjóri.

Ásgeir Þór hættir sem framkvæmdastjóri.

Ásgeir Þór Árnason framkvæmdastjóri Hjartaheilla, Landssamtaka hjartasjúklinga lætur af störfum sínum 31. maí 2021 eftir áratuga starf hjá félaginu.
Ásgeir hefur átt farsælt samstarf með Hjartaheillum um þrjátíu ára skeið, fyrstu tíu árin sem sjálfboðaliði í félagsstarfinu en síðan sem fastur starfsmaður. Síðustu árin starfaði Ásgeir sem framkvæmdastjóri félagsins en hann lætur nú af störfum að eigin ósk og hyggst snúa sér að eigin hugðarefnum.

Stjórn Hjartaheilla þakkar Ásgeiri áratuga samstarf og dygga þjónustu við félagið og starf þess. Myndin er tekin við athöfn í húsakynnum félagsins þegar stjórn Hjartaheilla færði Ásgeiri virðingarvott og gjöf af tilefni starfslokanna.

Frá vinstri: Valgerður Hermannsdóttir varaformaður Hjartaheilla, Ásgeir Þór Árnason, Sveinn Guðmundsson form. Hjartaheilla, Kjartan Birgisson félagsmálafulltr. og Kristján Smith.