hjartalög

kkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkkk

1. gr.	Samtökin heita Hjartaheill, landssamtök hjartasjúklinga. Skammstafað LHS. Heimili og varnarþing er í Reykjavík. Hjartaheill er deild í Sambandi íslenskra berkla- og brjóstholssjúklinga – SÍBS.
2. gr.		Í Hjartaheill, landssamtökum hjartasjúklinga eru félög, sem starfa hvert á sínu svæði. Hjartasjúklingar og þeir aðrir sem vilja styðja markmið samtakanna geta skráð sig í einstök félög eða beint í Hjartaheill. Stjórn Hjartaheillar ákveður þá hvaða félagi þeir tilheyra.
3. gr.		Markmið samtakanna er:
	a)	Að sameina félagsmenn til baráttu fyrir hagsmunamálum hjartasjúklinga og gæta réttar þeirra á öllum sviðum.
	b)	Að vinna að úrbótum á sviði heilbrigðisþjónustu og bættri félagslegri aðstöðu hjartasjúklinga.
	c)	Að afla fjár, sem varið er til velferðarmála hjartasjúklinga.
	d)	Að efla rannsóknir og fræðslu varðandi hjartasjúkdóma og auka skilning og þekkingu á fyrirbyggjandi starfsemi, meðferð hjartasjúklinga og gildi endurhæfingar.