Um 200 manns bíða eftir meðferð á verkjasviði Reykjalundar samkvæmt Magnúsi Ólasyni, yfirlækni deildarinnar. Magnús segir að dregið sé úr starfsemi deildarinnar yfir sumarið til að spara sumarráðningar. Meirihluti sjúklinga á verkjadeild kemur vegna bakverkja sem oftast eru af óljósum orsökum. Um fimmtungur sjúklinga er vinnufær þegar þeir koma inn en um helmingur er vinnufær þegar þeir fara út.
Magnús segir að kallað hafi verið eftir auknu fjármagni til rekstrar deildarinnar til að geta fylgt sjúklingum betur eftir. Þess má geta að biðlistar eru á flestar deildir Reykjalundar en lengstur er hann á geðsviði. Visir.is þriðjudaginn 18. júlí 2006