Miðvikudaginn 28. febrúar s.l. skrifuðu Sigtryggur Hilmarsson, framkvæmdastjóri heilbrigðistæknisviðs Vistor hf. og Ásgeir Þór Árnason, framkvæmdastjóri Hjartaheilla, landssamtaka hjartasjúklinga undir samstarfssamning um stuðning Vistor hf. við Hjartaheill.
Vistor hf. flytur inn og selur blóðþrýstingsmæla af gerðinni Microlife og munu 500,- kr. af hverjum seldum blóðþrýstingsmæli renna til Hjartaheilla. Fyrst um sinn fást blóðþrýstingsmælarnir hjá Apótekið, apótekum Lyfju og á skrifstofu Hjartaheilla að Síðumúla 6, Reykjavík.
Samningur þessi gildir til 3ja ára og er mikill stuðningur við Hjartaheill.
Meðfylgjandi myndir eru frá undirritun samningsins. Sigtryggur Hilmarsson fráVistor hf. (t.v.) og Ásgeir Þór Árnason.
Á síðari myndinni er einnig Elín Anna Gunnarsdóttir, sölufulltrúi hjúkrunar- og rannsóknavara hjá Vistor hf.