Óviðunandi bið eftir hjartaþræðingu

Betri staða. Ekki hefur þurft að loka sjúkraplássum á hjartadeild LSH. NÚ eru um 200 manns á biðlista eftir hjartaþræðingu á hjartadeild Landspítala – háskólasjúkrahúss og hefur sá fjöldi lítið breyst hin síðari ár.

Betri staða Ekki hefur þurft að loka sjúkraplássum á hjartadeild LSH."Þegar verst var voru um 250 á þessum lista en nýverið fór fjöldinn niður undir 200. Svo slaknar alltaf aðeins á þessu á sumrin vegna fría," segir Gestur Þorgeirsson, yfirlæknir á hjartadeild LSH, sem telur þetta ástand engan veginn viðunandi.

Hann segir öllum bráðatilvikum umsvifalaust sinnt þrátt fyrir þennan biðlista og þeir sem fá bráða kransæðastíflu séu því ævinlega teknir í hjartaþræðingu um leið og þeir koma inn.

Ástandið á hjartadeild í sumar er að öðru leyti í nokkuð góðu lagi. Engum sjúkraplássum hefur verið lokað og sjúklingar þurfa ekki að bíða eftir kransæðavíkkun heldur eru þeir teknir inn jafnóðum. Hins vegar sé alltaf einhver bið eftir svokölluðum raflífeðlisfræðilegum rannsóknum.

Fleiri þurfa á gangráði að halda. Stuttur biðtími er eftir gangráðum en að sögn Gests hefur sú starfsemi aukist mjög mikið á síðustu árum. "Eftir því sem við eldumst þurfa sífellt fleiri á gangráðum að halda," segir hann. Morgunblaðið þriðjudaginn 7. ágúst 2007.

Skildu eftir svar

Netfang þitt verður ekki birt. Nauðsynlegir reitir eru merktir *