Hvað er hvíldarpúls og hvað getur hann orðið hægur?

Hvíldarpúls er fjöldi hjartslátta á mínútu í hvíld. Eðlilegur hvíldarpúls er einstaklingsbundinn og breytilegur eftir aldri. Nýfædd börn hafa hraðann hvíldarpúls, um 100-160 slög á mínútu, en þegar þau stækka hægist á púlsinum. Eðlilegur hvíldarpúls fullorðinna er á bilinu 35-100 slög á mínútu, að meðaltali er hann rúm 70 slög. Konur hafa yfirleitt nokkuð hraðari púls en karlmenn, sérstaklega þegar þær eru óléttar.

 

Fólk í góðri þjálfun hefur alla jafna lægri hvíldarpúls en kyrrsetumenn. Maraþonhlauparar hafa iðulega hvíldarpúls undir 55 slögum á mínútu. Þeir sem stunda jóga og íhugun geta einnig hægt á púlsinum. Hraður hvíldarpúls er yfirleitt orsök óróa, en hiti, blóðleysi og vökvatap ásamt efnum eins og koffeíni og nikótíni hækka púlsinn.

Búddamúnkar sem iðka jóga geta lækkað hvíldarpúlsinn niður í nokkur slög á mínútu og hið sama gildir um kafara sem nota ekki loftkúta við köfunina. Til að nýta betur súrefnið hægja þeir á allri líkamsstarfssemi. Núverandi heimsmestari í köfun án loftkúts Pipin Ferreras, fullyrðar að púls hans geti farið niður í sjö slög á mínútu við köfun. Hann telur að aukinn vatnsþrýstingur á líkamann hægi á púlsinum en vitað er að púls spendýra sem kafa getur orðið mjög hægur.

Upplýsingar Vísindarvefurinn

Skildu eftir svar

Netfang þitt verður ekki birt. Nauðsynlegir reitir eru merktir *