Sjúklingar finna lítinn mun í fyrstu

Benedikt Jóhannesson, formaður stjórnar Sjúkratryggingastofnunar

Sjúklingar munu í upphafi ekki verða mikið varir við breytingarnar vegna nýju laganna. Þetta segir Benedikt Jóhannesson, formaður stjórnar Sjúkratryggingastofnunar.

 

Benedikt Jóhannesson, formaður stjórnar Sjúkratryggingastofnunar„Þetta snýr fyrst og fremst að heilbrigðisstofnunum og fjármögnun þeirra. Í stað þess að þær séu á föstum fjárlögum þá er horft meira á það hvað þær sinni mörgum, hve margar aðgerðir af hverju tagi eru gerðar og fleira," segir Benedikt um lögin.

 

Hann kveðst vonast til þess að takist vel til með nýju lögin finni sjúklingar áhrif þeirra í formi þess að biðlistar eftir ýmiss konar aðgerðum styttist. Nýju lögin leiði að líkindum ekki til sparnaðar í heilbrigðiskerfinu en vonandi til betri nýtingar á peningum.

 

Morgunblaðið fimmtudaginn 11. september 2008

Skildu eftir svar

Netfang þitt verður ekki birt. Nauðsynlegir reitir eru merktir *