Minnsta hjartadæla heims

Skurðlæknar að störfum.

Læknum í Þýskalandi hefur tekist að græða heimsins smæstu hjartadælu í fimmtuga konu. Dælan er sögð skilvirkari en forverar hennar og þar sem minna fer fyrir henni truflar hún síður umhverfi sitt.

 

Skurðlæknar að störfum.Dælan er gerð úr plasti og títani og er 92 grömm að þyngt. Konan fékk dæluna síðla í júlí og býr nú við tiltölulega eðlilega aðstæður heima hjá sér, að því er fram kemur í tilkynningu frá háskólasjúkrahúsinu í Heidelberg.

„Dælan getur komið algjörlega í staðinn fyrir vinstri hvolf hjartans og hún vinnur sérlega hljóðlega og skilvirkt,“  segir yfirmaður hjartaskurðdeildar sjúkrahússins, Matthias Karck.

Með dælunni er ennfremur hægt að brúa bilið frá því að hjartagjafi finnst fyrir hjartaígræðslu. Dælan er fimmta kynslóð af hinni svokölluðu DeBakey Heart, sem var þróuð af bandaríska hjartaskurðlækninum Michael DeBakey á tíunda áratugnum.

Morgunblaðið 17. ágúst 2009

Skildu eftir svar

Netfang þitt verður ekki birt. Nauðsynlegir reitir eru merktir *