Legurýmum á hjarta- og lyflækningadeildum fækkað

lshfossvogi

Legurýmum var fækkað um samtals 20 á hjartadeildum og lyflækningadeild Landspítala í gær. Starfsmönnum lyflækningasviðs var tilkynnt um þetta með sólarhringsfyrirvara. Þetta kemur fram á vef Sjúkraliðafélags Íslands. Í stað legurýma verða tekin upp dagdeildarrými.

lshfossvogiKristín Á. Guðmundsdóttir, formaður Sjúkraliðafélags Íslands, segir að verði fjöldi sjúklinga sem þarf að leggja inn umfram þau legurými sem á að halda eftir þurfi aðrar deildir að bæta þeim sjúklingum við sig. „Þeir sem þurfa að leggjast inn þurfa þá bara að fara yfir á aðrar deildar,“ segir Kristín í samtali við Vísi.

Kristín segir að í þeim skýringapósti sem var sendur hafi jafnframt verið lögð áhersla á að öllu ferli í meðferð sjúklinga yrði hraðað. „Það hefur að okkar mati verið mjög mikil aukning á því að sjúklingar séu látnir fara eins fljótt og hægt er en þarna er verið að leggja ennþá meiri áherslu á það,“ segir Kristín, sem telur að útlitið framundan í heilbrigðismálum sé ekki bjart.

Vísir.is miðvikudaginn 2. desember 2009

Skildu eftir svar

Netfang þitt verður ekki birt. Nauðsynlegir reitir eru merktir *