Ný rannsókn spáir faraldri gáttatifs

Læknarnir Hrafnhildur Stefánsdóttir og Davíð O. Arnar mbl.is/Ernir Eyjólfsson

Algengi hjartasjúkdómsins gáttatifs hefur aukist um fimmtung síðasta áratuginn samkvæmt nýrri rannsókn íslenskra vísindamanna frá Landspítala og Hjartavernd.

 
Læknarnir Hrafnhildur Stefánsdóttir og Davíð O. Arnar mbl.is/Ernir EyjólfssonDavíð O. Arnar, hjartalæknir á Landspítala og Hrafnhildur Stefánsdóttir læknir, í samvinnu við Thor Aspelund og Vilmund Guðnason vísindamenn hjá Hjartavernd, unnu að rannsókninni. 

 

Búast má við að gáttatif verði enn meira áberandi sjúkdómur á þessari öld. Hann er meðal fjölmargra vandamála sem í reynd fylgja auknum lífsgæðum og hækkandi lífaldri.

 

Ekki nóg með það heldur leiðir rannsóknin líkur að því að fjöldi Íslendinga með gáttatif gæti þrefaldast á næstu árum. Þessi fjölgun skýrist að stærstum hluta af fjölgun aldraðra, en einnig af samspili við áhættuþætti eins og offitu og sykursýki tvö. Þessi spá er sú fyrsta sinnar tegundar í Evrópu og hefur vakið athygli enda bendir hún til þess að sjúkdómurinn geti orðið að faraldri á Vesturlöndum.

 

Morgunblaðið 27. maí 2011 fréttin

Skildu eftir svar

Netfang þitt verður ekki birt. Nauðsynlegir reitir eru merktir *