Á allra vörum

Góðgerðarfélagið „Á allra vörum“ leggur nú af stað í sína fjórðu landssöfnun. Um er að ræða kynningar- og fjáröflunarátak þar sem þjóðin sameinast og lætur gott af sér leiða. Félagið velur árlega eitt viðráðanlegt verkefni og hefur m.a. safnað fyrir SKB, Ljósið og Krabbameinsfélag Íslands.

 

GlossÍ ár beinir „Á allra vörum“ kastljósinu að Neistanum og málefnum hjartveikra barna, en um 70 börn greinast með hjartagalla árlega. Sérstakt hjartatæki fyrir börn á Barnaspítala Hringsins er nú komið til ára sinna og er veruleg vöntun á endurnýjun. Mikið álag er á tækið þar sem það er eitt sinnar tegundar á landinu og notað oft á dag til að greina tilfelli í fóstrum ,nýfæddum og börnum allt uppí 18.ára sem þarf að fylgjast með allt þeirra líf. Það er alveg ljóst að með endurnýjuðu tæki má bæði spara peninga og bjarga mannslífum.

 

„Það er með gleði og bjartsýni í hjarta sem við leggjum af stað í þessa fjórðu ferð okkar því málefnið er bæði þarft og viðráðanlegt. Tilhugsunin um að svona tæki bjargi litlum mannslífum og hjörtum barnanna okkar, gerir það einnig auðveldara og vonumst við stöllur til þess að þjóðin taki okkur jafn vel og undanfarin ár“ – segir Gróa Ásgeirsdóttir ein forsvarskvenna félagsins.

 

Átakið hefst 12. ágúst og þá með sölu á hinum landsþekktu „Á allra vörum“ varaglossum frá Dior. Tveir nýir litir verða í boði og fást þeir hjá viðurkenndum Dior snyrtivöruverslunum um land allt.

 

Árlega hafa fyrirtæki tekið þátt í þessu átaki með okkur, með því að kaupa glossa handa starfsfólki sínu eða sent þetta á innhúspóst og starfsfólk getað keypt sér sjálft.

Fleiri upplýsinga er hægt að nálgast á heimasíðu Neistans www.neistinn.is og á síðu Á allra vörum

Skildu eftir svar

Netfang þitt verður ekki birt. Nauðsynlegir reitir eru merktir *